Plantun de Prouvènço

Pèr coumpara dos planto d'encò nostre

Sedum monregalense & Rosa dumalis

Sedum monregalense

Crassulaceae

Nom en français : Orpin de Montereale.

Descripcioun :
Aquéu rasin, di proun rare, trachis sus li roucas, dins li roucaio e esboudèu de mountagno dins lis Aup-d'Auto-Prouvènço (mai coumun en Itàli). Es uno planto renadivo en mato de 5 à 15 cm d'aut que fai proun de tijo esterlo. Li fueio soun sarrado e siegue óupousado, siegue verticilado pèr 4 ço que permés de la destria de si cousino. Li flour blanco soun en pinceloun (courimbo).

Usanço :
Lou rasin-de-Montereale es uno planto aparado marcado sus la listo roujo dins la categourìo LC : soucit minour.

Port : Erbo
Taio : 5 à 15 cm
Fueio : verticilado
Tipe bioulougico : Camefite
Cicle bioulougico : Planto renadivo

Gènre : Sedum
Famiho : Crassulaceae

Ordre : Saxifragales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Estiéu

Sòu : Ca
Autour basso e auto : 800 à 2200 m
Aparado : Noun
juliet à avoust

Liò : Roucas - Roucaio - Esboudèu
Estànci : Mountagnard à Subaupen
Couroulougi : Ouroufito-Èst-Éuroupenco
Ref. sc. : Sedum monregalense Balb., 1804

Agufié(-roso)

Rosa dumalis

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier commun.

Descripcioun :
Aquel agufié, Rosa dumalis, trachis dins li relarg mountagnous e roucaious. Douno d'èr à Rosa canina, mai èi bèn mens coumun. Èi mai rabasset, emé de fueio souvènt verdalo e de flour pus acoulourido, roso vivo. La diferènci founso èi de vèire dóu coustat de l'ourifice calicinau qu'èi mai grand (>1/4 de la larjour, vèire la fotò). Aquel agufié-roso, presenta aqui èi Rosa dumalis s.s. (sènso glando sus lou pecou, dènt di fueioun coumpausado e sènso péu souto li fueio).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.